Tá mé ar ais an tseachtain seo le hagallaí nua – Clíodhna Ní Dhufaigh! Is as contae Lú di ó dhúchas agus tá obair na gcapall déanta aici le Conradh na Gaeilge agus mar 1/8 de na Gael Gals fosta, le podchraoladh iontach atá ar fáil ar Raidió Rí-Rá! Labhair Clíodhna liom faoin obair s’aici ar Imeall Geal agus Opry an lúir, an grá atá aici bheith ag snámh, agus Barack Obama Plaza!!
Déan cur síos ort féin i 5 fhocal.
Giodamach, díograiseach, ceanndána, gealgháireach, cabhrach
An bhfuil leasainm agat?
Clí an ceann is coitianta atá agam anois, ach chuireadh mo Mham ‘Clíodhna Beena’ nó ‘Clí-ny Beeny’ orm agus mé óg.
Céad phost a bhí agat?
Bhí mé mar ‘runner’ le comhlacht teilifíse nuair a bhí mé ar scoil agus an ollscoil. D’oibrigh mé ar ‘Imeall Geal’ agus ‘Opry an Iúir’ so bhuail mé le roinnt ceoltóirí ar nós Daniel O’Donnell, Nathan Carter, Una Healy, The Coronas agus basically aon duine a bhíonns ar an eagrán ceol tíre den Late Late lol.
Ceol ar bith atá ‘on repeat’ agat faoi láthair?
Taylor Swift agus Adele cé go bhfuilim i gcaidreamh fad-théarmach ach ligim orm go bhfuil mo chailín tar éis éagóir a dhéanamh orm.
Comhairle is fearr a fuair tú riamh?
Just focain déan é.
Céad cheolchoirm ar fhreastail tú uirthi?
Pink san RDS i 2009!
Cad é a chuireann eagla ort?
Tá an ghráin agam ar dhamháin alla agus bhíodh eagla an domhain orm roimh an bhfarraige ach thosaigh mé ag snámh le linn na dianghlasála agus is breá liom é anois!
Cad é a cheannófá dá mbuafá an crannchur náisiúnta?
Teach agus níl a fhios agam an mbeadh mórán airgid fágtha agam i ndiaidh sé sin (grma géarchéim tithíochta) ach ba bhreá liom mo ghnó féin a bhunú!
Rud ba mhaith leat a dhéanamh sula bhfaighidh tú bás?
Ba bhreá liom dul chuig ceann de na príomhimeachtaí spóirt ar nós na Cluichí Oilimpeacha nó Corn an Domhain
An bhfuil ‘happy place’ agat?
Barack Obama Plaza
Cad é a chiallaíonn ‘rath’ duit?
Bheith in ann sásamh a bhaint as na rudaí beaga agus rud dearfach aimsiú i ngach lá!
Agus… cén focal Gaeilge is fearr leat?
‘Uaschamóg’ nó ‘rógaireacht’
