Inniu tá an laoch seo liom – Síomha Ní Ruairc! Is láithreoir teilifíse í Síomha a chuireann ‘Réalta agus Gaolta’ i láthair gach seachtain ar TG4, agus fosta tá sí ag obair le Conradh na Gaeilge mar Chomhordaitheoir Óige. Labhair Síomha liom faoin mhodh coinníollach, sraith The Wire agus tallann cheilte aisteach s’aici…
Déan cur síos ort féin i 5 fhocal.
Cairdiúil, muiníneach, fiosrach, maiteach, ceanndána
Céad phost a bhí agat?
Cluasa a pholladh i Claire’s Accessories. Yuck!!
An bhfuil tallann cheilte agat?
Is féidir liom mo dhorn a chuir i mo bhéal
Cad é a thugann sásamh duit?
Aclaíocht agus glantachas. Agus codladh! Trí rud riachtanach dom.
An bhfuil tú ag amharc ar shraith ar bith faoi láthair?
The Wire – deir gach duine gurb é ceann de na sraitheanna is fearr riamh agus aontaím leo!
Céad cheolchoirm ar fhreastal tú uirthi?
Six.. An banna a bhí an bua acu ar Popstars Ireland fadó fadó…
Cad é a chuireann eagla ort?
Neart! Táim théis éirí an-neirbhíseach le cúpla bliain. Bád an rud is mó a chuir eagla orm le déanaí…
Cuimhne is sásta atá agat ó d’óige?
Gach aon Nollaig le mo chlann. Bhíodar speisialta!
Cad é a cheannófá dá mbuafá an crannchur náisiúnta?
Pas gan an modh choinníollach a úsáid riamh arís. Ag magadh!! Cheannóinn teach mór i mBaile Átha Cliath.
Cad é a chiallaíonn ‘rath’ duit?
Ag dul a chodladh istoíche is ag éirí ar maidin gan a bheith buartha faoi do chuid béiltí agus d’áit cónaithe.
Agus… cén focal Gaeilge is fearr leat?
Cuisle
